JUYIN JUYA HALLI CIKIN WAKOKIN SIYASA: TALLATA DAN TAKARA MAIMAKON JAM'IYYA

BABI NA ƊAYA

Gabatarwa

1.1   SHIMFIƊA

Kowane allazi na ga da amanunsa,

Sai da bindiga soja yake tsiyarsa,

Shi maƙeri mai noma ne gwaninsa,

Haka jam’iyya sai da mawallafi ta ja daga.

(Waƙar Shegiyar Uwa ta Haruna Aliyu Ningi)

Nazari a kan waƙoƙin Hausa ba sabon abu ne ba a fagen nazarin Hausa, musamman idan aka yi la’akari da irin rawar da masana da manazarta suka taka wajen fito da muhimmancin abubuwan da waƙoƙin Hausa suka ƙunsa. Masana irin su Hiskett (1975) da Yahya (1987) Birniwa (1987) da Birnin Tudu (2001) da Usman (2008) sun yi nazarce-nazarce ta la’akari da yadda mawaka suke ba je kolin basirarsu ta hanyar jeranta zance cikin hikima da basira wanda suka kira shi “zubi da tsari” da kuma nazarin harshen waƙa wato salo, sai kuma nazarin irin sakon da mawaki ke son isarwa ga al’umma wanda a harshen nazari aka kira shi jigo. Yawancin nazarce-nazarce da ayyukan da aka gudanar kan abin da ya shafi waƙoƙin Hausawa an gudanar da su ne ta waɗannan hanyoyi, wato nazarin zubi da tsari da salo da kuma jigo. Irin wannan nazari kuwa ya haɗa har da waƙoƙin siyasa, waɗanda su ma an yi ayyuka da dama kansu, kuma an fito da abubuwa masu yawa waɗanda duniyar nazari ke amfana da su.

Duk da irin yadda manazartan suka bayar da gagarumar gudunmawa kuma suka cancanci yabo, amma kasancewar ilimi kogi, wannan ya sa ba a sami wani aiki da aka gudanar da ya fito da irin juyin juya halin da mawaka suka yi game da al’amarin talla a siyasa ba. Wannan yana daga cikin dalilan da suka sanya aka ƙudiri aniyar yin wannan nazari. Wannan takarda za ta fito da abubuwan da suka shafi juya hali na tallata fan takara a maimakon jam’iyya.

1.2 MANUFAR BINCIKE

Kowane aiki na duniya da aka yi ko za a yi za a iske yana da wata manufa ta musamman game da aiwatar da shi.

Don haka babbar manufa wannan bincike ita ce fito da yadda mawakan suka yi juyin juya hali a waƙoƙin siyasa, suke talla ɗan takara ba jam’iyyar da ya fito takarar ba. Don dalilai ’yan’uwa su san muhimmancin da wannan fanni ke da shi a ɓangaren ilimi da kuma irin gudunmawar da wannan mawaka ke bayarwa wajen bunkasa harsunan.

1.3 DALILIN BINCIKE

Kamar yadda Hausawa ke cewa, “Ruwa ba ya tsami banza” wato, komai da ake yi akwai dalilin yin sa, ba haka kawai ake yin abu gaba-gadi ba, musamman a fagen ilimi. Babban dalilin wannan nazari shi ne, bisa binciken da mai nazari ya yi, idonsa bai kai ga wani bincike da aka taba yi irin wannan ba, don haka ne ma ya kara kaimi wajen ganin an gudanar da wannan binciken domin karin haske game da harshen da kuma waƙoƙin siyasa. Na daga cikin dalilin aiwatar da wannan bincike, don dalibai ’yan’uwa su san muhimmancin da wannan fanni ke da shi a ɓangaren ilimi da kuma irin gudunmawar da wannan mawaka ke bayarwa wajen bunkasa harsunan.

1.4 HASASHEN BINCIKE

A ƙwai hasashe da dama da ake yi game makoma ko sakamakon wannan bincike kamar haka:

Ø Ana hasashen sauyin zamani da aka samu da bunkasar wayewa da cigaba a fannin siyasa shi ya haddasa faruwar juyin juya hali a wurin mawakan siyasa.

Ø Haka kuma ana hasashen neman ɗan abin hannu na da matuƙar tasiri wajen kawo wannan sauyi game da talla a harkar siyasa.

1.5 MUHIMMANCIN BINCIKE

Ana iya cewa dukkan wani abu da mutum zai gudanar, ko ya aiwatar da shi, to ba zai yi shi ba sai ya tabbata cewa yana da amfani gare shi da sauran jama’a musamman idan ya shafi fagen ilimi.

Saboda haka, wannan bincike yana da muhimmanci ƙwarai da gaske ba ma ga fagen ilimi ko ga mai nazari kawai ba, har ma ga masu sha’awar waƙoƙin siyasa. Bugu-da-ƙari, binciken zai haɓɓaka wannan fanni na adabin Hausa ta hanyar fito da hikimomi da fasahar mawaka na yin juyin juya hali a fili domin masu saurare da sha’awar waƙoƙin siyasa su amfana da abubuwan da yake fada waƙoƙisu.

Haka kuma, wannan bincike zai tattara duk wasu bayanai ta yadda masu nazari za su amfana zuwa nan gaba a wannan bigi.

1.6 FARFAJIYAR BINCIKE

Farfajiyar wannan Bincike ta takaita ga kawo misali kan wasu wakokin siyasa da mawaka ke aiwatarwa domin gano irin juyin juya halin da ke faruwa ga 'yan takara, za a iya kawo misali da kowacce waka matukar sakon da ake so zai fito fili, don haka ba a ware wasu wakoki musamman domin aiwatar da binciken ba.

1.7 NADEWA

Wannan babi na đaya an yi bayanin yanayin bincike, sannan da masomin bincike sannan aka yi bayanin hasashen bincike sai farfajiyar bincike sannan kuma aka nade babin.

Buyers has the right to create dispute within seven (7) days of purchase for 100% refund request when you experience issue with the file received. 

Dispute can only be created when you receive a corrupt file, a wrong file or irregularities in the table of contents and content of the file you received. 

ProjectShelve.com shall either provide the appropriate file within 48hrs or send refund excluding your bank transaction charges. Term and Conditions are applied.

Buyers are expected to confirm that the material you are paying for is available on our website ProjectShelve.com and you have selected the right material, you have also gone through the preliminary pages and it interests you before payment. DO NOT MAKE BANK PAYMENT IF YOUR TOPIC IS NOT ON THE WEBSITE.

In case of payment for a material not available on ProjectShelve.com, the management of ProjectShelve.com has the right to keep your money until you send a topic that is available on our website within 48 hours.

You cannot change topic after receiving material of the topic you ordered and paid for.